Taptu tepurt fyri Kroatia.

MENN: Føroyar taptu 1-2 fyri Kroatia í Zagreb. Føroyska liðið skapti nógvar málmøguleikar og hevði uppiborið at fingið meira burturúr. Kroatisku málini komu bæði frá brotsspørkum. Serliga tað fyrra brotssparkið var ógvuliga ivasamt. Føroyska málið kom, tá ið 92 minuttir vóru farnir. Beinir Nolsøe úr NSÍ kom væl inn í kroatiska brotssteigin og skallaði bóltin í málið. Hetta hendi, meðan føroyska liðið spældi við tíggju monnum ímóti ellivu, tí tá 20. minuttir vóru eftir av dystinum fekk Gullbrandur Øregaard beinleiðis reytt kort.