Samandráttir frá 9. umfari

MENN: Hóast bæði B68 og ÍF høvdu fleiri møguleikar til at avgera dystin, B68 brendi millum annað eitt brotsspark, so endaði tað við málleysum javnleiki á Svangaskarði.

Búi Egilsson spældi ein sera góðan dyst fyri NSÍ og við tveimum málum var hann við til at tryggja vespunum 4-1 sigur á 07 Vestur.

Gutti Dahl-Olsen skoraði móti sínum fyrrverandi liðfeløgum, tá B36 vann 1-0 á EB/Streymi.

Skála helt HB frá málinum fyrstu 45 minuttirnar, men í seinna hálvleiki bragdaði hjá gestunum, sum vunnu 3-0.

19 ára gamli, Dávid. B. Andreasen kom av beinkinum og bleiv dystaravgerandi, tá hann skoraði sigursmálið í 2-1 sigrinum hjá KÍ á Víkingi.