Samandráttir frá 7. umfari

MENN: EB/Streymur hótti KÍ, og sundalagsmenn høvdu møguleikar til at javna, men tað var málið hjá Jóannesi Kalsø Danielsen, ið syrgdi fyri, at KÍ fór heim við einum 1-0 sigri.

ÍF var ógvuliga nær við at vinna sín fyrsta landskappingardyst í ár, men máttu noyðast við 3-3 javnleik, hóast ÍF eitt skifti var á odda 3-1. Hetta var fjórði landskappingardysturin á rað, at B36 fór av vøllinum uttan ein sigur.

Ungi miðvallarin Eivind Restorff Mouritsen skoraði tvær ferðir í 3-0 sigrinum hjá HB á 07 Vestur. Mathias Voss kom eisini á máltalvuna.

Góða gongdin hjá Víkingi heldur fram. Hesaferð vunnu teir 1-0 á NSÍ í Runavík. Poul Kallsberg skoraði málið.

Við 3-1 sigri á B68 vann Skála sær trý sera kærkomin stig. Karl Martin Johansen, Dávid Johansen og Carlos Ferreira skoraðu fyri Skála. Villiam Klein skoraði fyri B68.