Samandráttir frá 7. umfari

MENN: Tað er als eingin slingur í valsinum hjá oddaliðnum, NSÍ. Í dag vunnu teir 5-0 á EB/Streymi. Brandur H. Olsen vísti seg aftur í dag frá síni bestu síðu við at skora hatrikk

Páll Klettskarð og Patrik Johannesen skoraðu báðir tvær ferðir í 4-0 sigri hjá KÍ á FC Suðuroy á Eiðinum í Vági.

Víkingur vann annan sigurin á rað. Í dag vitjaðu teir á Toftum, og fór heim aftur við einum 1-0 sigri. Poul Kallsberg skoraði sigursmálið.

Tað sá leingi út sum, at TB fór at fáa eitt stig við heim úr Gundadali, men í 93. minutti syrgdi Ási Dam fyri sigursmálinum hjá HB, sum endaði við at vinna 3-2.

Góða gongdin hjá B36 heldur fram. Við málum frá Marius Kryger Lindh (2) og Philip Djordjevic vann árstalsfelagið 3-1 á 07 Vestur á Dungasandi. Øll málini komu í fyrra hálvleiki. Brage Prestmo Kvithyld skoraði fyri 07 Vestur.