Samandráttir frá 25. umfari

MENN: EB/Streymur hevur tryggjað sær, at teir aftur eru í Betri deildini í komandi ári. EB/Streymur vann 1-0 á B36 við máli frá Boubacar Dabo. Úrslitið hevur við sær, at EB/Streymur nú hevur 25. stig, og tí eisini er sloppið frá niðurflytingarvanda.

HB vann tepran sigur á 07 Vestur í Gundadali. Heimaliðið vann 1-0 við máli frá Sammy Skytte, sum hann skoraði, tá ið 76 minuttir vóru farnir.

Víkingur er nú so nær við at blíva føroyameistari, sum tað ber til at vera. Í kvøld vunnu víkingarnir heili 5-0 á ÍF. Sigurin hevur við sær, at tað ber mest sum ikki til at fáa Víking aftur á stigatalvuni. Tó mangla teir enn at koma teir síðstu sentimetrarnar yvir um mállinjuna.

Á Svangaskarði spældu B68 og Skála 1-1 í spennandi botndystinum. Skálamenn eru helst glaðar fyri javnleikin, tí hann hevur við sær, at teir halda seg eitt stig framman fyri B68, sum er beint niðanfyri niðurflytingarstrikuni.

KÍ endar í øllum førum á øðrum plássi í ár. Við 3-1 sigri á NSÍ hava teir bláu tryggjað sær, at teir fáa silvurheiðursmerkini um hálsin.