Samandráttir frá 3. umfari

MENN: Hóast 07 Vestur var aftan fyri 1-2 ímóti EB/Streymi, endaði tað við, at vágamenn vunnu 4-2. Emil Pedersen skoraði síðsta málið í dystinum við sparki frá egnari hálvu.

Føroyarmeistararnir úr KÍ vóru kroystir av uppflytaranum úr NSÍ, sum eitt skifti var á odda 2-0. KÍ svaraði tó væl aftur og vendi dystinum til 3-2 sigur.

Fýra ymiskir spælarar vóru millum málskjúttarnar í greiða 4-0 sigrinum hjá HB á ÍF.

Reytt kort varð givið til báðar partar undir Mýruhjalla, har B36 vann sannførandi 4-1 sigur á Skála.

Góða gongdin hjá Víkingi heldur fram. Felagsliðið hevur enn fult stigatal. Í dag vunnu teir 2-0 á B68 við málum frá Finni Justinussen og Poul Kallsberg.