Samandráttir frá 11. umfari

MENN: EB/Streymur vann sær trý sera týdningarmikil stig, tá teir sunnudagin vunnu greiðan 3-0 sigur á Skála.

Føroyameistarin, KÍ, vann eisini sannførandi í dag. Við 4-0 sigri á B68 eltir KÍ enn fyrsta plássið.

NSÍ vísti treiskni við Løkin, har vespurnar eitt skifti vóru aftanfyri 0-2 móti B36. NSÍ svaraði aftur og fekk eitt stig í 2-2 javnleikinum.

Sammy Skytte skoraði sigursmálið í 1-0 sigri hjá HB á ÍF.

Oddaliðið Víkingur fekk ein hvøkk, tá gestirnir úr 07 Vestur løgdu seg á odda 1-0, sum eisini var støðan í hálvleikinum. Men í seinna hálvleiki vóru Víkingarnir til at kenna aftur, og teir vunnu ógvuliga sannførandi 5-1.